Татарстан укучылары - информатика һәм программалаштыру буенча Бөтенроссия мәктәп укучылары олимпиадасы призерлары

2014 елның 30 ноябрендә Санкт-Петербург шәһәрендә информатика һәм программалаштыру буенча XV Бөтенроссия мәктәп укучыларының командалы олимпиадасы финалы үтте. Финал турында Россия, Белоруссия, Латвия, Грузия, Таҗикистан, Казахстан, Төркмәнстан һ.б. илләрдән 217 команда катнашты. Финалга узыр өчен 9 ноябрьдә Казанда үткән ярымфиналда сайлап алуны узарга кирәк иде. Составында Муравьев Кирилл, Лагутин Семен, Круглов Максим булган Н.И. Лобачевский исемендәге лицейның беренче командасы Татарстан Республикасы чемпионы булды. Әлеге лицейның икенче командасы (Захаров Дмитрий, Сәхәбиев Әсхәт, Сайфетдинов Исмәгыйль) икенче урынны яулады. Ике команданың да тренеры - Н.И. Лобачевский исемендәге лицейның информатика укытучысы, ТР халык укытучысы Михайлин Сергей Иванович.
Шулай ук Казанның тагын 3 командасы – 2нче лицей-интернат, 7нче лицей-интернат һәм 131нче лицей укучылары да финалга чыкты. Санкт-Петербургта узган финал ярышларында КФУ лицее командасы II һәм III дәрәҗәдәге, ә 2нче лицей-интернат командасы III дәрәҗәдәге  дипломнар белән бүләкләнде.