Студентлар арасында читтән торып үткәрелүче республикакүләм "Киләчәк безнең кулларда!" фәнни-тикшеренү конкурсы

Татарстан студентлары арасында читтән торып үткәрелүче республикакүләм "Киләчәк безнең кулларда!" фәнни-тикшеренү конкурсы башлана. Конкурста республика көллиятләре һәм техникумнары студентлары катнаша ала. Конкурс материалларын (заявка, фәнни-тикшеренү хезмәте, презентация һәм тезислар) 22 апрельгә кадәр college51@yandex.ru электрон адресына җибәрергә кирәк. Конкурс ике номинация буенча үткәрелә: проект-тикшеренү өлкәсендә - "Мин тәкъдим итәм"; тикшеренү өлкәсендә "Мин һәм минем һөнәрем: масштаб - киләчәк". Республикакүләм "Киләчәк безнең кулларда!" фәнни-тикшеренү конкурсы җиңүчеләрен жюри 2016 елның 29 апрелендә игълан итәчәк. 

Конкурсны оештыручылар - Татарстан Республикасы Мәгариф һәм фән министрылыгы, Казан радиомеханика көллияте, Россия мәгариф академиясенең Һөнәри белем бирү педагогикасы һәм психологиясе институты, ААҖ "Радиоприбор".

Конкурс турында тулырак мәгълүмат биредә