Казан укучылары француз теле буенча олимпиада җиңүчеләре булдылар
Казанның Мәскәү районындагы 9-нчы номерлы гимназиясе укучылары француз теле буенча Бөтенроссия мәктәп укучылары олимпиадасының республика һәм төбәк этапларында җиңүче булдылар. 9-12 гыйнварда аларда Татарстанның Кама Тамагы һәм Түбән Кама районнарыннан, шулай ук Казаннан һәм Яр Чаллыдан 7-11 сыйныфларда белем алучы 35 укучы катнашты.
Олимпиада ике турда узды. Беренче этапта балалар язма рәвештә дүрт конкурс биремен үтәде: «Лексик-грамматик тест», «Телдән укылган текстны аңлау», «Язма текстларны аңлау», «Язма сүз конкурсы». Икенче турда конкурс телдән узды.
Җиңүчеләр арасында 10 сыйныф укучысы Эмиль Кәримов, Мәскәү районының 9-нчы номерлы гимназиясеннән 11 сыйныф укучысы Екатерина Дмитренко һәм Любовь Пигачева, шулай ук Түбән Кама районының 22-нче номерлы гимназиясенең 11 сыйныф укучысы Михаил Вандеров бар иде. Түбән Кама районыннан, шулай ук Казаннан һәм Яр Чаллыдан тугыз укучы призер булды.