Шаян ТВ телеканалының һәм Алабуга балалар йортында тәрбияләнүчеләренең иҗади очрашуы
Алабуга балалар йортында Татарстан Республикасының "Шаян ТВ" балалар телеканалының төшерү төркеме кунакта булды. Иҗади очрашу максаты – 2018 елдан гамәлгә ашырыла торган "Тылсымлы кадрлар" мультипликацион фильмнар булдыру проектын яктырту иде.
Бу вакыт эчендә мультипликация студиясендә балалар тарафыннан төрле темаларга 8 мультфильм булдырылган. Яшьләр тамашачыга җиткерергә теләгән һәр мультфильмның кыйммәте зур. Бу мини-тарихлар, аларда яхшы һәм начар тәртип, игелек һәм яманлык үрнәкләре тәкъдим ителгән, анда геройларның гамәлләрен балалар өчен аңлаешлы үрнәк яки анти-мисал рәвешендә тәкъдим итү мөмкин. Кыскасы, һәр мультфильм — ул тәрбияви кыйммәткә ия кыска тарих.
"Шаян ТВ" телеканалы белән алга таба хезмәттәшлек кысаларында республика каналында Алабуга балалар йорты тәрбияләнүчеләре тарафыннан төзелгән мультипликацион фильмнарны трансляцияләү планлаштырыла.