ЯҢАЛЫКЛАР

Татарстан вузлары тулай тораклар өчен түләүләрне шактый арттырды. Моңа бакча яшендәге балаларның ата-аналары кесәсенә суккан “Мәгариф турында”гы яңа федераль закон сәбәпче. Студентларны яңа бәяләр, әлбәттә, куандырмый, әмма кая барасың: фатир алып тору тагын да кыйммәткәрәк төшәчәк.

Бу көннәрдә Украина Милли фәннәр академиясенең Археология институты базасында (Ялтаның Гаспра шәһәр тибындагы бистәдәге “Жемчужина” кунакханә комплексында) V Халыкара Болгар форумы уздырыла.

2013 нче елның 29 нчы октябрендә педагог-психологлар өчен “Татарстан Республикасы белем бирүне үстерү институты”нда “Наркотикларга каршы профилактика мәсьәләләре буенча педагог-психологларның психологик тестлар һәм коррекцион эшләр алып бару нәтиҗәләрен анализлау”дип аталган республикакүләм семинар-практикум үткәрелде.

Татарстан Республикасының Милли китапханасендә 2013 елның 1 нче ноябрендә «Поликультурное образовательное пространство Поволжья: пути и формы интеграции» дип аталган Халыкарагомуми-практик конференция уздырылды.

30 октябрьдән 3 ноябрьгә кадәр 11 яшьтән 14 яшькә кадәр булган фәнни-техник иҗат белән кызыксынучы Татарстанның 10 яшь уйлап табучысы (Казан шәһәре Идел буе районының 19нчы гимназиясе һәм КФУның IT-лицее) Мәскәүдә яшьләр программасы кысаларында узган “Ачык инновацияләр” халыкара инноваөион үсеш форумының “InnoKids-2013” мәктәп блогында катнаштылар.

2013 елның 5 ноябрендә Ульяновск өлкәсендә татар теле һәм әдәбияты укытучыларының II съезды узды. Әлеге чараны оештыручылар - Ульяновск өлкәсе мәгариф һәм фән министрлыгы, Ульяновск өлкәсе татар милли-мәдәни автономиясе.

В Республиканском детском оздоровительно – образовательном центре «Костер» с 1 по 3 ноября состоялась Республиканская профильная смена образовательной программы «Основы лидерства» - «Шаг – 15». Участниками смены стали ребята из 37 муниципальных районов Республики Татарстан.

2013 нче елның 1-5 ноябрендә Ярославль шәһәрендә “Рәсәйнең киләчәк интеллектуаль лидерлары” исемле беренче форумы узды. Бу форумда Казан шәһәре Казан Федераль Университетының Н.И. Лобачевский исемендәге лицей укучысы Денис Галиәкбәров катнашты.

Алабуганың “Салават күпере” балалар бакчасында “Этникара мөнәсәбәтләрнең ярашуы. Күпмилләтле Алабуга” дигән темага региональ семинар-практикум узды. Аның эшендә Түбән Кама, Мамадыш, Алабуга шәһәрләре һәм район балалар бакчалары тәрбиячеләре һәм белгечләре катнашты.

Хәзерге вакытта ТР Фәннәр академиясендә “Мәктәптә дини мәдәниятләр һәм дөньяви этика нигезләрен (Основы религиозных культур и светской этики - ОРКСЭ) өйрәнү: проблемалар һәм перспективалар” темасына халыкара конференция үзенең эшен башлап җибәрде, әлеге форум иртәгә дәвам иттереләчәк.
ТР Фәннәр академиясе, ТР ФАның Ш.Мәрҗани исемендәге Тарих институты һәм институтның Милли мәгариф тарихы һәм теориясе үзәге, ТР тарих укытучылары ассоциациясе оештырган конференция ТР Президенты Рөстәм Миңнеханов ярдәме белән үткәрелә. Анда, Татарстанның һәм, гомумән, Россиянең күренекле галимнәреннән тыш, Голландия, Франция, АКШ, Греция, Төркия, Кипр, Мисыр, Польша, Эстония, Молдова һ.б. илләрдән әлеге юнәлеш белән шөгыльләнүче белгечләр чыгыш ясый.