ТР Мәгариф һәм фән министрлыгында «Без бергә» республика фестивален федераль дәрәҗәдә үткәрергә тәкъдим иттеләр
Казанда «Без бергә» балалар халык иҗаты милли фестиваленең гала-концерты узды, анда төрле номинацияләрдә Гран-при ияләре игълан ителде. Җиңүчеләргә бүләкләрне Татарстан Мәгариф һәм фән министры урынбасары Минзәлия Закирова тапшырды. Ул билгеләп үткәнчә, республика фестивале инде биш ел уңышлы уза һәм федераль дәрәҗәгә күчәргә сәләтле.
«Татарстан мәгариф системасы халыкның күп милләтле составын исәпкә алып эшли. Безнең фестиваль моңа ачык мисал булып тора. Биш ел эчендә анда 300 меңнән артык кеше катнашты. Киләсе дәрәҗәгә чыгарга вакыт җитмәдеме? Без республика фестивален уңышлы оештырабыз. Федераль дәрәҗәне уздыру да көчебездән килер, дип уйлыйм. Мондый инициативаны Безнең Татарстан күрсәтергә тиеш", - диде мәгариф һәм фән министры урынбасары.
Закирова республиканың һәр муниципалитеты Татарстанда игълан ителгән Туган телләр һәм Халык бердәмлеге елына багышланган конкурс номерларын әзерләгән, дип билгеләп үтте.