Татарстанда грипп һәм ОРВИ аркасында ике балалар бакчасы ябылды
15 февральгә булган мәгълүматларга караганда, республикада 466 мең 207 укучы һәм 31 801 укытучы көн саен иртәнге медицина фильтрын уза. Бүгенге көндә 357 бала иртәнге фильтр контролен уза алмаган (1 сентябрьдән - 46 082 бала).
19 мәктәптә аерым сыйныфларда дәресләр үткәрелми (14.02 – 26 мәктәп иде). Чирмешән, Нурлат, Минзәлә, Менделеевск, Спас муниципаль районнарында грипп һәм ОРВИ белән бәйле рәвештә берәр мәктәп, Питрәч районында - ике мәктәп, Түбән Камада - алты, Яр Чаллыда - бер, Казанда 5 мәктәп тулысынча карантинга ябылды
Авыру балалар белән элемтәдә булган балалар саны арту сәбәпле, Минзәлә һәм Алабуга муниципаль районнарында ике балалар бакчасы тулысынча ябылган.
Ата-аналар игътибарына: әгәр балагыз авыру сәбәпле дәресләрдән вакытлыча азат ителгән икән, ул башка балалар белән аралашырга яки җәмәгать урыннарында йөрергә тиеш түгел.
Исегезгә төшерәбез, Татарстанга 12-17 яшьлек яшүсмерләр өчен «Спутник М» вакцинасының беренче партиясе килде. Прививка ата-аналарның язма ризалыгы белән генә үткәрелә.