Казанда «Татар малае» шәһәр конкурсының беренче туры узды

2022 елның 7 апреле, пәнҗешәмбе

Казанда 6 апрельдә Каюм Насыйри исемендәге аерым фәннәрне тирәнтен өйрәтүче 80 нче татар-рус урта мәктәбе базасында «Татар малае-2022» шәһәр конкурсының 1 туры узды.

Оештыручылар арасында - «Ак калфак» татар хатын-кызларының региональ иҗтимагый оешмасы, Бөтендөнья татар конгрессы.

Конкурс кысасында Казанның 80 нче мәктәбе укучылары һәм кунаклар арасында билбау көрәше үткәрелде.

Балалар кунакларга татар милли көрәше буенча мастер-класс күрсәттеләр. Шулай ук конкурста катнашучылар арасында «Күңелле стартлар» эстафетасы да үткәрелде.