Казанда XIX республика Кирилл-Мефодий яшүсмерләр фәнни укулары узды
12 май көнне Казанның Совет районының 93-нче номерлы гимназиясе базасында XIX республика Кирилл-Мефодий яшүсмерләр фәнни укулары булып узды.
Татарстан укучылары һәм укытучылары өчен ел саен үткәрелә торган конференция «2014 – 2023 елларга Татарстан Республикасында дәүләт милли сәясәтен гамәлгә ашыру» программасы кысаларында оештырылды.
XIX республика Кирилл-Мефодий фәнни укуларының беренче сайлап алу этабында катнашу өчен 300 дән артык кеше гариза биргән. Болар-Түбән Кама, Чистай, Яшел Үзән, Тәтеш, Алексеевск, Лаеш, Буа, Кукмара, Алабуга, Республиканың һәм Казанның башка муниципаль районнарыннан катнашучылар.
Йомгаклау туры барышында 8 секция эшләде: тел белеме, рус әдәбияты, тарих һәм мәдәният, туган якны өйрәнү һәм этнология, әдәби иҗат, халык музыка, сынлы һәм декоратив-гамәли сәнгать, педагогик секция.