“Карьерага тагын бер адым”: “Кама Артегында” СИБУР- Псменасы уза
Язгы каникуллар вакытында сигезенче сыйныф укучылары компания һәм һөнәр белән таныша ала. Сменаның бурычы - балаларны нефть химиясе һөнәре белән һәм эре компания хезмәткәрләре сафын тулыландыруда кызыксындыру.
Лагерьда 31, 32, 36, 37 нче мәктәпләрдән, 35 нче лицейдан һәм 2 нче гимназиядән 150 укучы ял итә һәм яңа белем ала. Бу уку йортларында СИБУР-класслар ачылды. Бу киләсе елга нефть химиясе белән кызыксынган сигезенче сыйныф укучылары "Түбән Кама нефть химиясе" дәге карьерага тагын бер адым ясый алачак - профильле сыйныфка укырга керә алачак дигәнне аңлата.
Профильле смена программасы бай һәм төрле. Балалар компания хезмәткәрләренең эш көннәрендә , СИБУРда кирәкле теге яки бу белгечлек нечкәлекләре турында белә алалар. Инде хәзер үк балалар һөнәр сайлый һәм тиешле уку йортына укырга керә ала.
СИБУРдан тыш, профиль сменасын оештыруга муниципалитет, Н.В. Лемаев исемендәге нефть химиясе һәм нефть эшкәртү көллияте, шулай ук Түбән Кама химия-технология институты үз өлешен кертте.
Смена бер атна дәвам итәчәк. Балалар төрле мавыктыргыч чараларда катнашалар. Алар өчен уеннар, СИБУР компаниясе белән танышу, викториналар, призлар уйнату, экологик квизлар оештырыла.
Беренче СИБУР-сменаны эксперимент буларак оештырдылар. Әмма нәтиҗә барлык өметләрне узып китте. Хәзер мондый сменалар даими булачак.