Россиядә Россия Федерациясе халыклары телләре көне барлыкка киләчәк
Россия Федерациясе халыклары телләре көнен 8 сентябрьдә билгеләп үтәргә җыеналар. Дата совет шагыйре, прозаик, публицист, иҗтимагый һәм сәясәт эшлеклесе, тәрҗемәче Рәсүл Гамзатовның туган көненә багышланган. Бу Россия Федерациясе Президенты указы проекты буенча.
Указ проекты аңлатма язуы буенча, инициатива ил халыклары телләрен саклап калуга, яклауга һәм үстерүгә, милләтара бердәмлекне һәм дәүләтнең мәдәни мирасына ихтирамны ныгытуга юнәлтелгән.
Бүген Россиядә 270дән артык туган тел һәм диалект исәпләнә. Мәктәпләрдә, балалар бакчаларында, өстәмә белем бирү учреждениеләрендә балалар шул исәптән илнең аз санлы халыкларының телләрен өйрәнә ала. Мәсәлән, Россия Федерациясенең 64 субъектында башлангыч, төп, урта һәм мәктәпкәчә белем бирү кысаларында 76 туган тел буенча белем бирү программалары гамәлгә ашырыла.
Уку процессында педагоглар белем бирүнең полилингваль модельләрен кулланалар. Бу балаларга ике телне - туган һәм рус телләрен өйрәнергә мөмкинлек бирә.
Указ проекты буенча иҗтимагый фикер алышу 14 августка кадәр дәвам итәчәк. Документ аңа кул куйган көннән үз көченә керә.