Психологик- педагогик бәйләнештә белем бирү процессы

2013 елның 27 нче ноябрьендә “Психологик- педагогик бәйләнештә белем бирү процессы” темасына төбәкара семинар- практикум булды. Бу актуаль тема Минзәлә, Зәй, Әлмәт, Түбән Кама, Яр Чаллы, Алабуга мәгариф идарәсе белгечләрен, логопедларны, педагог-психологларны, дефектологларны республикабыздагы психологик хезмәт күрсәтү өлкәсендәге проблемалар турында сөйләшергә һәм эш тәҗрибәсе белән уртаклашу өчен (барлыгы 65 кеше) җыйды. Семинар эшендә Татарстан Республиксы Мәгариф һәм фән министрлыгының өстәмә белем бирү һәм тәрбия бирү буенча бүлекнең әйдәп баручы киңәшчесе Ю.В.Пухова, Алабуга муниципаль районы мәгариф идарәсе башлыгы урынбасары Е.Д. Терентьева, Алабуга муниципаль районы Башкарма комитеты опека бүлеге җитәкчесе Т.Н.Хайдукова, АФ К(П)ФУ ның психология –педагогия факультеты деканы А.Н. Панфилов һәм башкалар катнашты.
Семинарда катнашучылар муниципаль психология үзәге эшчәнлегенең киләчәккә планнары турында әңгәмә кордылар, федераль дәүләт белем бирү стандартларын кертү шартларында балаларның хокукларын яклау саклау өлкәсендәге проблемалар турында сөйләштеләр.
Кама аръягы төбәге педагог–психологлары мастер-класслар вакытында “Эффектон” программасы турында һәм психодиагностика үткәргәндә компьютердан файдалану, сенсорика бүлмәсендәге мөмкинлек, шулай ук укучылар белән шөгыльләнгәндә нейропсихологик һәм кинезиологик күнегүләр куллану тәҗрибәсе белән уртаклаштылар.
Семинар азагында катнашучылар мондый типтагы чараларны ешрак һәм 2-3 көнлек сессия рәвешендә үткәрергә тәкъдим иттеләр. Бу педагог- психологларның һәм башка психология- педагогия өлкәсендә эшләүче белгечләрнең вазифасы елдан- ел киңәюе белән аңлатыла, ә ул һөнәри эшчәнлекнең даими яңартылып торуын таләп итә.