Татарстанда 3,2 меңнән артык чыгарылыш сыйныф укучысы бер предметтан Бердәм дәүләт имтиханын (БДИ) яңадан тапшырды
Татарстанда БДИның бер фәнен яңадан тапшырырга теләүче унберенче сыйныф укучылары саны арткан. Быел бу мөмкинлектән 3,2 меңнән артык чыгарылыш сыйныф укучысы файдаланган, ә 2025 елда — 2,5 меңнән артыграк иде. Бу хакта ТР Хөкүмәте Йортында узган брифингта ТР мәгариф һәм фән министры Илсур Һадиуллин әйтте.
РФ Президенты Владимир Путин карары белән, 11нче сыйныфны тәмамлаучылар өстәмә чорда — 8 һәм 9 июльдә бер фәннән имтиханны яңадан тапшыра ала, дип искә төшерде министр.
Төп чорда мәҗбүри фәннәр буенча БДИның минималь чиген үтә алмаган укучылар саны рус теле буенча тотрыклы кала, ә математикадан аларның кимүе күзәтелә, дип өстәде Һадиуллин. Татарстанда рус теле буенча 40 укучы, профильле математикадан — 144 кеше, база математикасыннан 98 чыгарылыш сыйныф укучысы минималь балл җыя алмаган.
2026 елгы чыгарылыш сыйныф укучылары бу фәннәрне сентябрьдә яңадан тапшыра алачак.