Россиядән һәм Ислам хезмәттәшлеге оешмасы илләреннән 100 яшь галим Казанга конгресска  җыелачак

2026 елның 23 сентябре, чәршәмбе

30 сентябрь – 3 октябрь көннәрендә Казанда Ислам хезмәттәшлеге оешмасы илләренең IV Яшьләр фәнни конгрессы узачак. Чара Россиядән һәм Ислам дөньясы илләреннән 100 яшь белгечне берләштерәчәк, дип хәбәр итә оештыручылар.

Чарада 18 яшьтән 35 яшькә кадәрге студентлар, экспертлар, тикшеренүчеләр һәм инноваторлар катнашачак, дип билгеләп үтелә. Гаризалар тапшыру кампаниясе вакытында 102 илдән 2,5 меңнән артык мөрәҗәгать алынган. Көндезге этапта 20 дән артык дәүләт вәкиле чыгыш ясаячак.

Программага пленар утырыш, түгәрәк өстәлләр, семинарлар һәм башка чаралар кертелгән. Конгресс инглиз телендә барачак.

.