Программа 2025 елның июленнән ноябренә кадәр дәвам итәчәк. Ул онлайн-форматта белем бирү программасы,   туган телләрне алга этәрүче фикер лидерлары, креатив индустрияләр вәкилләре һәм башка спикерлар белән очрашулар, лагерьда күчмә интенсив һәм башка бик күп нәрсәләрне үз эченә ала.

 ТР мәгариф һәм фән министры Илсур Һадиуллин механика көллиятен тәмамлаучыларга дипломнар тапшырды. Чара Яшел Үзән музыка театры бинасында узды.

Камал театрының яңа бинасында ТР мәгариф һәм фән министры Илсур Һадиуллин һәм ТР Рәисе каршындагы татар телен һәм республикада яшәүче халыклар вәкилләренең туган телләрен саклау, үстерү мәсьәләләре буенча комиссия башлыгы Марат Әхмәтов татар теле һәм әдәбияты буенча бердәм республика имтиханын тапшырган чыгарылыш укучылары белән очрашты.

Татарстанда 9 июльдә югары уку йортларына кабул итү мәсьәләләре буенча кайнар линия ачылачак. Ул 16 сәгатьтән 19 сәгатькә кадәр эшләячәк. Бу хакта ТР Министрлар Кабинетында узган брифингта ТР Премьер-министры урынбасары Ләйлә Фазлыева хәбәр итте.