Энгель Фәттахов: Сыйфатлы белем нигезе булып инновацион технологияләр һәм мультидеяле купшылыклар түгел, ә нәкъ менә укытучы тора

2014 елның 17 апрелендә Татарстан Республикасы Премьер-министры урынбасары – мәгариф һәм фән министры Энгель Фәттахов Казан шәһәрендә узучы “Татарстан Республикасы Ел укытучысы-2014” һөнәри бәйгесе финалистлары исемлегенә кергән 15 мөгәллим белән очрашты. “Сезнең зона этапларында җиңүегез һәм финалга чыгуыгыз – үзе бер зур җиңү”, - дип ассызыклады Энгель Фәттахов. Ул уку-укыту процессы сыйфатын арттырганда бөтен өмет нәкъ менә шундый иҗади укытучыларда булуын билгеләп үтте. “Соңгы елларда мәктәпләрнең материаль-техник базасын яхшырту өчен күп нәрсә эшләнә, масштаблы информатизацияләштерү программасы гамәлгә ашырылган, биналарга капиталь ремонт ясала, мәктәпләргә җиһазлар һәм фәнни кабинетлар китерелә. Тик инде эшләнгән һәм хәзер эшләнәсе нәрсәләрне мин тышкы инфраструктураны яхшырту дип атар идем. Бу бик кирәк, тик ул мәгарифнең система буларак нәтиҗәле үсеше өчен җитәрлек түгел”, - дип ассызыклады ул.
Бүген Министрлыкның төп өстенлеген Татарстан Республикасы мәктәпләрендә көндәлек уку-укыту процессы сыйфатын үстерү, сыйныф бүлмәләрендә иң алдынгы һәм заманча укыту методикаларын куллану, проектлы һәм проблемалы укыту, мәктәп укучыларында мета-предметлы компетенцияләр формалаштыру билгели.
“Санап үтелгән барлык юнәлешләрне дә гамәлгә ашыру – катлаулы бурыч. Шуңа күрә хәзерге вакытта Татарстан Республикасы Мәгариф һәм фән министрлыгы инициативаларны чынга ашыра, - дип билгеләп үтте Энгель Фәттахов. – Безнең методик хезмәтләр яңа методикаларның иң компетентлы таратучылары булырга тиеш. Алар укытучыларга һәм мәктәпләргә инновацион технологияләр һәм алдынгы практикаларны кулланып ярдәм итәргә тиеш.”
Бәйгедә катнашучылар үз чиратында Татарстан Республикасы Премьер-министры урынбасары – мәгариф һәм фән министры Энгель Фәттахока үз сорауларын бирә ала. Очрашу ахырында ул бөтен катнашучыларга да җиңүләр һәм яңа иҗади уңышлар теләде. Инде иртәгә “Татарстан Республикасы Ел укытучысы-2014”, “Иң яхшы математика укытучысы”, “Елның сыйныф җитәкчесе”, “Ел тәрбиячесе” һәм “Педагог-китапханәче” бәйгеләре җиңүчеләре исемнәре билгеле булачак.