Рөстәм Миңнеханов мәктәп олимпиадаларында җиңүчеләр һәм призерлар белән очрашты

Бүген Татарстан Республикасы Президенты Рөстәм Миңнеханов Бөтенроссия һәм Халыкара олимпиадаларда җиңүчеләр һәм призерлар, аларның укучылары белән очрашты. Очрашуда шулай ук Татарстан Республикасы вице-премьеры – мәгариф һәм фән министры Энгель Фәттәхов, республиканың иң эре югары уку йортлары ректорлары катнашты. Очрашу Мәгариф сыйфатын мониторинглауның республика үзәгендә узды.
Бөтенроссия олимпиадалары нәтиҗәләре буенча икенче ел рәттән Татарстан мәктәп укучылары командасы Мәскәү һәм Санкт-Петербург шәһәрләреннән соң 3нче урынны алып килә.
Мәктәп укучыларының Бөтенроссия фән олимпиадасы дүрт турда (мәктәп, муниципаль, региональ һәм йомгаклау бөтенроссия) 21 фән буенча ( инглиз теле, астрономия, биология, география, информатика, сәнгать, тарих, әдәбият, математика, алман теле, җәмгыять белеме, хокук һ.б.) уза.
РФ Мәгариф һәм фән министрлыгы тарафыннан билгеләнгән баллар нигезендә республикабыз данын 26 муниципаль берәмлектән 191 укучы яклады.