ЯҢАЛЫКЛАР

7 декабрьдән 14 декабрьгә кадәр Татарстан Республикасы Мәгариф һәм фән министрлыгының Республика олимпиада үзәгендә «Олимп» профильле сменасы кысаларында экология, астрономия, төрек теле, рус мәктәпләрендә укучы татар балалары өчен татар әдәбияты, татар телендә белем бирүче мәктәп укучылары өчен туган (татар) әдәбияты буенча укыту-тренировка җыеннары узачак.

9 декабрьдә, Ватан геройлары көнендә, Татарстан мәктәпләрендә батырлык дәресләре булачак. 

8 декабрьдә Мәскәү вакыты буенча 14:00 сәгатьтә TIMSS мәктәптә математика һәм табигый-фәнни белем бирү сыйфатын Халыкара мониторинг тикшеренүе нәтиҗәләре тәкъдир ителәчәк.

6 декабрьдә В.Г. Тимирясов исемендәге Казан инновацион университеты базасында Татарстан Республикасының сәләтле балалары өчен эшмәкәрлек, финанс һәм кулланучылар белеме буенча IV Республика олимпиадасының йомгаклау туры узды.

Туган телне саклау һәм үстерү, мәктәпкәчә белем бирү учреждениеләрендә балаларны полилингваль тәрбияләү кысаларында, 2020нче елның 2нче декабренда ДАҺБУ “Муса Җәлил исемендәге Минзәлә педагогия көллияте ”Милли кадрлар әзерләү үзәгендә “Инновацион педагогик технологияләр кулланып, мәктәпкәчә белем бирү учреждениеләре тәрбиячеләренең сөйләм коммуникациясе чарасы буларак, татар һәм инглиз телләрен гамәли белү” полилингваль белем бирү проекты тормышка ашырыла башлады.

2020 елга «Татарстан Республикасы Мәгарифне үстерү институты» өстәмә һөнәри белем бирү дәүләт биреме («Татарстан Республикасы мәгарифен үстерү институты» өстәмә һөнәри белем бирү дәүләт мәгариф учреждениесе өчен гамәлгә куючының дәүләт йөкләмәсен раслау турында» 2019 елның 27 декабрендәге 1931/19 номерлы ТР Мәгариф һәм фән министрлыгы боерыгы) нигезендә 2020 елның 18 февралендәге «Һөнәри кабаттан әзерләү оештыру һәм уздыру турында» 104/1/20-ОД, педагогика, психология һәм андрагогика боерыгы нигезендә «2020 елның 27 апреленнән алып 03 декабренә кадәр «Аутистик спектрда тайпылышлары булган балаларны психологик-педагогик коррекцияләү һәм укыту» өстәмә һөнәри программасы буенча һөнәри яңадан әзерләү үткәрелде (күләме - 330 сәгать).

Коронавирус пандемиясе сәбәпле, Россиянең югары уку йортларында кышкы сессияне кичектерү планлаштырылмый. Бу турыда Россия фән һәм югары белем бирү министры Валерий Фальков сүзләренә сылтама белән РИА Новости хәбәр итә.

Чаллы мэриясендә узган аппарат киңәшмәсендә 13 яшьлек Софья Несифоровага РФ Президенты Владимир Путин исеменнән Рәхмәт хаты тапшырылды.

Татарстанда онлайн форматында 2020/2021 еллар чемпионат циклының «Яшь профессионаллар» (WorldSkills Russia) төбәк чемпионатының беренче өч этабын ябу һәм җиңүчеләрне бүләкләү тантанасы узды. Быел ярышлар 238 компетенция буенча үткәрелде, аларда 3 500 дән артык конкурсант һәм экспертлар катнашты.

2 нче һәм 4 нче декабрьдә «Уку предметларын (предмет өлкәләрен) укыту концепциясен исәпкә алып, федераль дәүләт белем бирү стандартларының фән, метапредмет һәм шәхси нәтиҗәләренә ирешү өчен гомуми һәм өстәмә белем бирүне интеграцияләү» беренче төбәкара фәнни-гамәли вебинары үткәрелде.