ЯҢАЛЫКЛАР

Бүген Әлмәт районының "Кояшлы” балаларны сәламәтләндерү лагере базасында яшь геологларның VI республика ачык кыр олимпиадасын ачу тантанасы узачак. Ачылу тантанасында ТР мәгариф һәм фән министрының беренче урынбасары Илсур Һадиуллин катнашачак. Олимпиада 18 июньнән 24 июньгә кадәр узачак, катнашучыларның гомуми саны - 300гә якын мәктәп укучысы һәм 54 җитәкче. Катнашучылар арасында  Татарстан  мәктәп укучыларының 34 командасы, шулай ук Кырым, Казахстан һәм Үзбәкстан командалары бар.

Бүген Казан Кремлендә Татарстан Республикасы Дәүләт Киңәшчесе, «Яңарыш» республика фондының Попечительләр советы рәисе Минтимер Шәймиев республикада полилингваль мәгариф комплексларын булдыру буенча чираттагы киңәшмә уздырды.

Мәгариф һәм фән өлкәсендә күзәтчелек федераль хезмәте мәгълүматларына караганда, 2019 елда бердәм дәүләт имтиханнарында катнашу өчен 750 меңгә якын кеше теркәлгән, шуларның 662 меңе — быел тәмамлаучылар. 13 июньдә төп чорның төп этабын тәмамлаган биология һәм информатика буенча бердәм дәүләт имтиханнары узды. 1 июльгә кадәр БДИның төп чоры барлык фәннәрне тапшыру өчен резерв көннәрне дәвам итәчәк. Ведомствода сөйләгәнчә, чыгарылыш сыйныф укучылары бердәм дәүләт имтиханы нәтиҗәләре белән килешми икән, апелляция бирергә мөмкин.

Учреждениеләрнең әзерлеге югары, өч объектны июль аенда тапшырырга планлаштыралар. Әйтик, 35 нче микрорайонда «Акчарлак» балалар бакчасында җиһазлар урнаштыралар, Замелекесьеның 20 нче микрорайонында «Капитошка»ны  һәм 14 нче микрорайонда «АБВГДЕЙКА» ны мебель белән җиһазлыйлар. Барлык учреждениеләрдә дә төркемнәр формалашкан инде. Тәрбиячеләр штатын 90% ка комплектлаганнар, тәрбияче ярдәмчеләрен җыю дәвам итә.

Россиянең биш шәһәрендә — Якутскида, Казанда, Бөек Новгородта, Пермь һәм Симферопольдә «Цифрлы алгарыш» Бөтенроссия конкурсының төбәк этабы башланып китте. Йөзләгән катнашучы биш номинациядә — «Сәламәтлек саклау», «Мәгариф һәм фән», «Дәүләт идарәсе», «Транспорт һәм логистика», шулай ук «ТКХ һәм шәһәр мохите» санлы продуктлар прототиплары өстендә эшләячәк.

Резерв көннәр 17 июньдә география һәм әдәбият фәненнән башлана. 18 июнь – тарих һәм физика, 20 июнь – биология, информатика һәм химия, 24 июнь – база һәм профиль математика, 26 июнь – рус теле, 27 июнь – чит телләр буенча БДИның телдән өлеше, 28 июнь – җәмгыять белеме һәм чит телләр буенча БДИның язма өлеше буенча БДИ тапшыру өчен резерв вакыты. 1 июльдә барлык фәннәр буенча БДИ тапшыру өчен резерв көннәре тәмамлана.

Россия Федерациясе Хөкүмәтенең 2015 елның 6 гыйнварындагы 7-р номерлы күрсәтмәсе белән расланган Россия икътисадын модернизацияләү һәм технологик үстерүнең өстенлекле юнәлешләренә туры килә торган белгечлекләр һәм әзерлек юнәлешләре исемлегенә кертелгән белгечлекләр һәм әзерлек юнәлешләре буенча дәүләт аккредитациясе булган югары белем бирү программалары буенча көндезге формада белем алучы студентлар арасыннан Россия Федерациясе Президенты стипендияләрен билгеләүгә конкурс сайлап алуы игълан ителә.

20 июньнән Россиянең югары уку йортлары абитуриентлар документларын кабул итә башлый. Узган елгы кабул итү кампаниясе нәтиҗәләре буенча Россия вузларында бер урынга уртача 9,1 кеше дәгъва кылган. Уртача балл 69,1 тәшкил итте.

Биология һәм информатика буенча бердәм дәүләт имтиханы 13 июньдә штат режимында, җитди тайпылышлар һәм хокук бозуларсыз узды. 1 июльгә кадәр БДИның төп чоры барлык фәннәрне тапшыру өчен резерв көннәрне дәвам итәчәк.

Гомумроссия халык фронты (ГХФ) һәм "Россия - мөмкинлекләр иле" АКБО тарафыннан гамәлгә ашырыла торган "Профстажировкалар 2.0" проектының яңа платформасы студентларга компанияләрнең гамәли биремнәре буенча курс һәм диплом эшләре әзерләргә һәм эшкә урнашу перспективасы белән практик тәҗрибә алырга мөмкинлек бирәчәк.