ЯҢАЛЫКЛАР
2015 елда бердәм дәүләт имтиханын үткәрүгә әзерлек кысаларында Татарстан Республикасы Мәгариф һәм фән министрлыгы махсус “кайнар линия” булдырды. “Кайнар линия” телефоны аша БДИда катнашучылар, аларның әти-әниләре, шулай ук укытучылар имтиханнарга кагылышлы сораулар белән ТР Мәгариф һәм фән министрлыгының гомуми белем бирү һәм укучыларны йомгаклау аттестацияләү бүлеге белгечләренә мөрәҗәгать итә ала. Моннан тыш, имтихан вакытында булган тәртип бозулар хакында да хәбәр итергә мөмкин.
Татарстан Республикасы Мәгариф һәм фән министрлыгының “Төп гомуми һәм урта гомуми белем бирү программалары буенча дәүләт йомгаклау аттестациясенә әзерлек буенча зона киңәшмәләре уздыру хакындагы” карары нигезендә Чистай, Әлмәт, Кукмара һәм Яр Чаллы районнарында республика белем бирү сыйфатын мониторинглау үзәге белгечләре, республика муниципаль берәмлекләре бүлек (идарә) җитәкчеләре, муниципаль координаторлар һәм имтихан тапшыру пунктлары җитәкчеләре катнашында киңәшмәләр узды.
Республикада мәктәп укучыларының “КЭС-БАСКЕТ” баскетбол лигасы чемпионатының 2014-2015 уку елы сезонында үткәрелгән зона этаплары тәмамланды. 2015 елның 10-11 гыйнварында Зәй шәһәрендә аерым фәннәрне тирәнтен өйрәтүче 7нче урта гомумибелем бирү мәктәбендә һәм Физкультура-сәламәтләндерү комплексында мәктәп укучылары баскетбол лигасы ярышларының зона этаплары узды. Ярышларда Алабуга, Менделеевск, Минзәлә, Сарман, Зәй, Мамадыш, Тукай, Әгерҗе, Актаныш районнары һәм Яр Чаллы шәһәреннән 10 егетләр һәм 10 кызлар командасы катнашты.