Студентлар һәм аспирантларны хезмәт хокукы буенча Бөтенроссия форумында катнашырга чакыралар

2019 елның 31 гыйнвары, пәнҗешәмбе

Хезмәт хокукы һәм социаль тәэминат хокукы буенча III Бөтенроссия вузара студентлар форумы Татарстан башкаласында узачак. Оештыручылар - Россия дәүләт гадел хөкем университетының Казан филиалы һәм «Яшь юрист» студентлар фәнни җәмгыяте яшьләр арасында фәнни-тикшеренү эшчәнлеген активлаштыру өчен форум үткәрә. Чара эшенә фәнни хезмәт хокукы һәм социаль тәэминат өлкәсендә үз эшләнмәләре белән уртаклашырга әзер булган студентлар һәм аспирантлар чакырыла.