Рус әдәбияты буенча республика олимпиадасында катнашучыларга гадәти булмаган иҗади биремнәр тәкъдим иттеләр

2019 елның 31 гыйнвары, пәнҗешәмбе

28 – 30нчы гыйнвар көннәрендә 8 - 11 сыйныф укучылары арасында рус әдәбияты буенча бөтенроссия мәктәп укучылары олимпиадасының республика һәм төбәк этабы узды.

Олимпиадада Татарстан Республикасының 34 муниципаль районыннан, Казан, Яр Чаллы шәһәрләреннән 153 укучы катнашты.

Рус әдәбияты буенча олимпиада бер (язма) турда үтте. Үзәк фән-методика комиссиясе тәкъдим иткән   биремнәрне үтәү барышында катнашучылар хикәяне анализларга, вакыйгаларны хронологик тәртиптә билгеләргә, шигырь әсәрләренең өзекләренә төшеп калган әдәбият терминнарын куярга, шулай ук язучының төрле басмалар өчен биографиясен һәм иҗади манерада дустанә юллама язарга тиеш иде.

Жюри составында Казан федераль университеты укытучылары эшләде.