«Социаль изоляция чорында ата-аналарга психологик ярдәм» вебинары
2020 елның 23 апрелендә Татарстан Республикасы Мәгарифне үстерү институты Татарстан Республикасы Мәгариф һәм фән министрлыгы һәм В.Г. Тимирясов исемендәге Казан инновацион университеты белән берлектә ата-аналар җәмәгатьчелеге, класс җитәкчеләре һәм белем бирү оешмалары өчен "Ачык класс" проекты кысаларында «Дистанцион укытуны оештыру. Социаль изоляция чорында ата-аналарга психологик ярдәм» темасына тематик вебинар үткәрде.
Вебинар кысаларында укытуның яңа формасына күчү шартларында педагогик бергәлектә булган кыенлыкларны ачыклау максатыннан ТР Мәгарифне үстерү институты уздырган мониторинг нәтиҗәләре тәкъдим ителде; социаль изоляция шартларында балаларның психологик сәламәтлеген саклау һәм өйдә нәтиҗәле укытуны оештыру өчен оптималь мохит булдыру буенча ата-аналарга киңәшләр бирелде.
Моннан тыш, КФУның Лобачевский исемендәге лицееның дистанцион белем бирүне оештыру буенча уникаль тәҗрибәсе тәкъдим ителде.