«Горизонт 2100» - Халыкара фәнни һәм иҗат эшләре яшьләр онлайн конкурсы
Катнашырга барлык илләрдән, төрле милләттән, этнослардан һәм халыклардан булган 16 яшьтән 26 яшькә кадәрге яшьләр, мәктәп укучылары һәм студентлар чакырыла.
Конкурска өч номинация буенча фәнни, фәнни-гамәли һәм фәнни-фантастик эшләр кабул ителә:
- Дөнья алдында торган глобаль янауларны җиңүгә юнәлдерелгән конкрет идеяләрне һәм карарларны тасвирлаган иң яхшы эшкә;
-2100 ел чигендә планетаның һәм кешелекнең киләчәге турында фәнни күзаллауны һәм аның төрле сценарийларын чагылдыра торган иң яхшы эшкә;
-2100 ел чигендә фантастик гипотезалар һәм идеяләрне, күренешләрне һәм процессларны, вакыйгаларны һәм киләчәкнең перспективаларын тасвирлаучы һәм аларга фәнни аңлатма бирүче иң яхшы хикәягә, эссега яки репортажга.
Конкурсны уздыру сроклары:
- эшләрне кабул итү - 2020 елның 31 маена кадәр;
- эшләр экспертизасы - 2020 елның 1 июненнән 25 июненә кадәр.
- йомгаклар ясау, финал эшләрен билгеләү һәм җиңүчеләрне игълан итү - 2020 елның 26 июненнән 30 июненә кадәр.