Түбән Кама предприятиесе күп балалы гаиләләргә планшетлар бүләк итте

Түбән Кама  "Түбән Кама Нефтехим" җәмгыяте үз хезмәткәрләре арасыннан күп балалы һәм аз керемле гаиләләргә ярдәм күрсәтергә һәм аларга планшетлар, азык-төлек һәм тәм-томнар бүләк итәргә карар кылды.

Предприятие эшчесе Андрей Зверевның дүрт баласы бар: өч кызы һәм улы. "Түбән Кама нефтехим"да ир-ат егерме ел эшли. Ул планшет, тәм-томнар һәм азык-төлек җыелмасын тапшырганнар рәтенә керде.
Үз-үзен изоляцияләү шартларында укучылар, бөтен республикадагы кебек үк, дистанцион рәвештә укыйлар. Бүләк ителгән планшет кызларын укыту процессында ярдәм итәчәк, дип саный Андрей. "Аллага шөкер - мин эштә. Хатын алар белән, ләкин газаплана, әлбәттә: төшкә кадәр берсе белән, төштән соң икенчесе белән шөгыльләнә», - дип, үз фикерләре белән бүлеште Андрей.
Предприятиенең тагын ике хезмәткәре  файдалы бүләкләр алды: берсендә - дүрт, икенчесендә - алты бала.