Татарстанда Бердәм дәүләт имтиханында 100 балл җыючылар саны артты
Татарстанда чыгарылыш сыйныф укучылары арасында БДИда йөз балл җыючыларның гомуми саны узган ел белән чагыштырганда арткан.
География, рус әдәбияты, информатика буенча 3 июльдә тапшырылган төп имтихан нәтиҗәләре билгеле булды.
Татарстанның 189 чыгарылыш сыйныф укучысы география буенча БДИ тапшырган, шуларның 43е - 80 һәм аннан да күбрәк балл җыйган. Өч катнашучы имтиханны 100 баллга тапшырды. Калган катнашучылар барысы да минималь чикне 37 баллга уздылар.
Рус әдәбияты буенча БДИны республиканың 879 чыгарылыш укучысы тапшырды. Башлангыч мәгълүматларга караганда, 29 кеше — 100 балл, ә 240 укучы-80 һәм аннан да күбрәк балл җыйган. Шул ук вакытта алты катнашучы минималь чиктән 32 баллга түбәнрәк бәя алды.
Информатика 1938 укучы тапшырган, аларның 35е — 100 балл, 550се - 80 һәм аннан да күбрәк балл җыйган. Әмма БДИда катнашучы 113 кеше минималь чикне 40 баллга узмаган.
Чыгарылыш сыйныф укучылары конкрет имтихан буенча нәтиҗәләрне 10-14 көннән соң беләчәкләр.