Е.Н. Батенчук исемендәге Кама төзелеш көллиятендә биш компетенция буенча остаханәләр барлыкка киләчәк
21 октябрьдә Е.Н. Батенчук исемендәге Кама төзелеш көллиятендә биш компетенция (геодезия, күпфатирлы йортны эксплуатацияләү һәм аңа хезмәт күрсәтү, буяу һәм декоратив эшләр, столярлык эше, балтачылык эше) буенча яңа остаханәләр ачу тантанасы узачак.
Остаханәләр «Мәгариф» илкүләм проектының «Мәгарифне үстерү» дәүләт программасы кысаларында федераль бюджеттан бирелгән грант ярдәмендә төзелгән. Алар заманча укыту-җитештерү, укыту-лаборатория җиһазлары, интерактив һәм программа комплекслары, заманча компьютер җиһазлары һәм тиешле дәрәҗәдәге белгечләрне һәм хезмәт базарында конкуренциягә сәләтле профильне әзерләү өчен укыту чаралары белән җиһазландырылган.
Көллиятнең бурычы - республиканы югары квалификацияле, компетентлы һәм дөньякүләм стандартлар дәрәҗәсендә нәтиҗәле эшләргә сәләтле һөнәри күнекмәләргә ия булган кадрлар белән тәэмин итү.