Россиядә кайбер чит ил югары уку йортларының дипломнарын автомат рәвештә танылу алачак
Хәзер укуын дәвам итәргә яки Россиядә эшкә урнашырга теләгән чит ил кешесенә белем турындагы документларны раслау процедурасын узарга кирәк. Әмма монда өстенлекләр дә бар: Россиядә ике яклы килешүләр гамәлдә булган чит илләр вузларын тәмамлаучыларның дипломнары, һәм фәнни һәм мәгариф оешмаларын тәмамлаучыларның махсус исемлектәге дипломнары автомат рәвештә озын-озакка сузылган тәрҗемә поцессыннан һәм нотариаль раслауларсыз танылачак.
Карар мондый исемлекне төзүнең яңа тәртибен раслый. Моңа кадәр ел саен ике исемлек төзелгән – югары белем турындагы һәм гыйльми дәрәҗәләр буенча аерым документлар буенча. Шул ук вакытта аларны биргән белем бирү оешмалары еш кына бер-берсен кабатлыйлар.
Хәзер алар барысы да бер документка берләшәчәк. Бу сайлап алу процессын, исемлекнең үзен килештерүне тизләтәчәк.
Чит ил югары уку йортлары исемлегенә дипломнарны автомат раслауга эләгү өчен университетка, башкалардан тыш, әйдәп баручы халыкара рейтингларда үз позицияләрен тәкъдим итәргә кирәк. Моңа кадәр аларның өчесенең күрсәткечләре дә исәпкә алынган: дөнья университетларының академик рейтингы (Academic Ranking of World Universities), бөтендөнья университетлары рейтингы (QS World University Rankings) һәм "Таймс" дөнья университетлары рейтингы (The Times Higher Education World University Rankings). Хәзер тагын ике рейтинг әһәмияткә ия: U.S. News Best Global Universities университетларының бөтендөнья рейтингы һәм "Университетның өч миссиясе" югары уку йортларының Мәскәү халыкара рейтингы.
"Оешмалар турында мәгълүматлар җыю һәм, чит ил мәгарифенең Россия мәгарифенә тәңгәллеген өйрәнү буенча фән һәм югары белем министрлыгы белән шөгыльләнәчәк. Йомгаклау документы Россия Тышкы эшләр министрлыгы һәм Рособрнадзор белән килештерелергә һәм 2021 елның 15 декабренә кадәр хөкүмәткә тәкъдим ителергә тиеш", - дип хәбәр ителә хөкүмәт сайтында.