Студентлар һәм югары уку йортларын тәмамлап чыгучылар Татарстан югары уку йортларында белем бирү сыйфатын 10 баллдан 6,6га бәяләделәр
Студентлар һәм югары уку йортларын тәмамлап чыгучылар Татарстан югары уку йортларында белем бирү сыйфатына мөмкин булган 10 баллның уртача 6,6 баллына бәя бирделәр. Татарстан югары уку йортларында югары белем алу аспектларын үзләштерүне тикшерү "ПромРейтинг" агентлыгы тәкъдим итте.
Тикшеренүләр буенча, Россиядә алынган югары белем сыйфаты, студентлар һәм югары уку йортларын тәмамлап чыгучылар фикеренчә, көнбатыш белем бирү сыйфатыннан калыша. Сораштырылучыларның 68,4% ы шулай дип саный.
Уку процессыннан көтелгәннәр Татарстан вузларын тәмамлаучыларның һәм студентларның 72,3% ы чынбарлыкка туры килде дип саный. Сораштырылган студентларның һәм чыгарылыш укучыларының абсолют күпчелеге һөнәр сайлау белән канәгать – 82,4 Студентлар һәм югары уку йортларын тәмамлап чыгучыларның күпчелеге (58,3%) киләчәктә югары уку йортлары белгечлеге буенча эшләргә планлаштыралар.
Татарстан югары белем бирү системасының төп проблемалары булып, сораштырылучылар фикеренчә, укытуның искергән программалары, практика җитмәү, югары уку йортларының матди-техник базасы начар булу, укытучыларның компетентлы булмавы, укуны һәм эшне бергә алып баруның катлаулылыгы тора. Сораштыруда катнашучы Татарстан абитуриентлары укытуның өстенлекле профильләре дип IT, гуманитар һәм физик-математик фәннәр, медицина, икътисад һәм идарәне атаган.
Татарстанда югары белем алганнан соң, сораштырылган абитуриентларның өчтән береннән артыгы (30,3%) Россиянең башка төбәгенә яисә дөньяның башка иленә күчәргә планлаштыра. Тагын 40% ка якын абитуриентлар бу мәсьәлә өстендә актив уйланалар. Тикшеренү агентлыгы белгечләре социологик анкета төзеделәр һәм Татарстаннан 600 респондентка җавап бирергә тәкъдим иттеләр.