Татарстанда рус теле буенча БДИ глобаль видеокүзәтү астында уза

2021 елның 3 июне, пәнҗешәмбе

Рус теле буенча БДИ узачак барлык аудиторияләрдә дә, Имтихан үткәрү пунктлары штабында онлайн-күзәтү оештырылган. Бу хакта Татарстан Республикасы мәгариф һәм фән министры Илсур Һадиуллин 96 нчы Казан гимназиясендә матбугат очрашуында сөйләде.

"Һәр аудиториядә икешәр камера урнаштырылган, - дип сөйләде спикер. - Федераль иҗтимагый күзәтүчеләр күзәткән "Смотри.ЕГЭ" порталы бар. Безнең республикада ситуацион үзәк бар. Анда да безнең студентлар булган хәлләрне күзәтәләр. Теләсә кайсы районда – Казанда, Чирмешәндә, Чаллыда булсынмы ул – без имтихан бирүче һәр укучының фамилиясен беләбез. Аның исемен Мәскәүдә дә беләләр".

БДИ уздыру пунктларында 752 иҗтимагый күзәтүче эшли, һәр пунктта – икешәр кеше.

"Быел без дистантка китмәдек, - дип аңлатты министр. - Безнең чыгарылыш сыйныф укучыларында БДИга әзерлек белән ниндидер проблемалар бар дип әйтә алмыйм. Укытучылар, мәктәп җитәкчеләре, ата-аналар, үзләре дә бик яхшы әзерлеккә ияләр».

Һадиуллин фикеренчә, БДИ уздыру пунктларында һәм мәктәпләрнең үзләрендә психологик вәзгыять яхшы һәм тыныч булып кала бирә. “Аудиторияләрдә хезмәткәрләр бар, ә аудиторияләрдән тыш дежур торучылар урнаша, - дип ассызыклады спикер. - Һәм алар барысы да уңай әзерлекле, үз бурычларын үтәүгә җаваплы карыйлар».

Спикер шулай ук искә төшергәнчә, медаль алу өчен һәр мәҗбүри предмет өчен кимендә 70 балл җыярга кирәк. Шул ук вакытта рус теле буенча БДИ-2021 баллының минималь баллы мәктәп аттестатын алу өчен 24 балл тәшкил итә, ә югары уку йортларына керү өчен – 40 балл кирәк.

“Бүген БДИ тапшыру пунктларында бер генә рус теле укытучысы да юк, - дип сөйләде Һадиуллин. - Бары тик башка фәннәр буенча укытучылар гына имтиханда катнаша ала".

Исегезгә төшерәбез, 3 һәм 4 июнь рус теле буенча массакүләм БДИ уза. Татарстанда аны 16 меңнән артык укучы тапшырачак.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International