"Россия ел укытучысы - 2017" конкурсы җиңүчесе онлайн-проект кысаларында Александр Невский шәхесе турында сөйләячәк
Россия Федерациясе мәгариф министрлыгы һәм Мәгарифне үстерүнең яңа формалары фонды Россия көненә князь Александр Невскийның тууына 800 ел тулуны бәйрәм итүгә багышланган махсус онлайн-проект әзерләде.
"Россия ел укытучысы - 2017" конкурсының абсолют җиңүчесе, тарих укытучысы Илья Демаков булачак сугышчының, кенәзнең һәм дипломатның нинди даирәдә формалашуы, аның үсешенә нинди укытучылар йогынты ясавы һәм князь Александр Невскийның тормыш юлы нинди кыенлыкларга юлыгуы турында тематик лекция циклы кысаларында сөйләп бирәчәк.
Видеоязмалар "Россия – Минем тарих" битләрендә социаль челтәрләрдә һәм Россия мәгариф министрлыгының "ВКонтакте" социаль челтәрендәге бергәлегендә бастырылачак.
Моннан тыш, "Россия – Минем тарих" мультимедиа тарихи парклары илнең 23 төбәгендә Россия көненә чаралар оештыра. Үзәк локация булып "Яңа Третьяковка" музее булачак, анда князь Александр Невскийның тууына 800 ел тулу уңаеннан "Россия тарихы рәссамнар күзлегеннән" сәнгать күргәзмәсе ачылачак. Мәскәү паркында "Россия – Минем тарих" 13 яшькә кадәрге балалар өчен "Александр Невский. Стратег, сугышчы, дипломат"интерактив программасы әзерләнгән, анда князь тормышыннан кызыклы фактлар белән танышырга мөмкин булачак.