КНИТУ студенты Бөтенроссия инженерлык конкурсы призеры булды
Призерлар исемлегенә «Сәнәгать калдыкларын артык критик флюид мохитләрдән файдаланып утильләштерүнең альтернатив ысулы» проекты белән АТ кафедрасы магистранты Алмаз Аетов (җитәкчеләре: т.ф.д., ТОТ кафедрасы профессоры Усманов Р.А., һ.б., профессор, ТОТ кафедрасы мөдире Гомәров Ф.М.) керде.
Конкурста катнашу өчен оештыру комитетына 118 университеттан 1065 гариза бирелгән, финалга 122 проект сайлап алынган. 31 майда конкурс финалистлары үз проектларын ВИК экспертларына һәм индустрия вәкилләренә тәкъдир итте, ә 1 июньдә җиңүчеләрне һәм призерларны бүләкләү тантанасы булды.
РФ фән һәм югары белем министрлыгының дәүләт яшьләр сәясәте һәм тәрбия эшчәнлеге департаменты директоры урынбасары Александр Ведехин билгеләп үткәнчә, илнең фәнни-техник лидерлыгына бәйле глобаль инициативаларны гамәлгә ашыру өчен Россия мәгарифенең зур потенциалы бар. Ә дөньяны яхшыга үзгәртә алу мөмкин, шул исәптән, конкурс финалистларының һәм катнашучыларының да. Конкурста җиңүчеләр һәм призёрлар РФ инженерлык секторының югары технологияле компанияләренә ярдәм алачак.