Казан “Алан” җәйге күппредметлы мәктәбе старт алды
15 июньнән «Дуслык» савыктыру-белем бирү комплексы базасында «Алан» IV Казан (бөтенроссия) җәйге күппредметлы мәктәбе старт алды. Беренче сессия химия һәм географиягә багышланган. Смена 18 көн дәвам итәчәк.
Сменада Татарстан муниципаль берәмлекләренең төрле мәгариф оешмаларыннан 8-11 сыйныфларның 80нән артык мавыгучы укучысы катнашты.
Смена үз эченә химия һәм географияне өйрәнү юнәлешләре буенча белем бирү процессын һәм мәдәни-күңел ачу программасын ала, ул катнашучыларга берләшергә һәм дустанә мөнәсәбәтләрне ныгытырга һәм үз талантларын ачарга ярдәм итәчәк.
Химия буенча лекцияләр, практик дәресләр, мастер-класслар М.В. Ломоносов исемендәге Мәскәү дәүләт университетының химия факультеты һәм Казан федераль университетының Химия институты укытучылары үткәрәчәк. Укытучылар, вожатыйлар, яшьтәшләр белән аралашу балаларга тулысынча предметка чумарга, химиянең барлык бүлекләре буенча теоретик материалны тирәнрәк өйрәнергә, олимпиада биремнәрен хәл итүдә кулланыла торган яңа терминнарны, законнарны истә калдырырга ярдәм итәчәк.
Яшь химиклар практик дәресләрдә проектлар һәм чыгышлар язуга, олимпиада дәрәҗәсендәге биремнәр чишүгә әзерләнәчәкләр, мәктәп укучыларының бөтенроссия олимпиадасының узган елгы төбәк этабы биремнәре буенча тест турына әзерлек практикумында катнашачаклар, химик кушылмаларны анализлыйлар һәм таныйлар.
География дәресләрен Казан федераль университетының географик һәм экологик белем бирү теориясе һәм методикасы, минералогия, тарихи геология һәм палеонтология, туфракны өйрәнү һәм табигатьтән файдалану кафедрасы, ТР Фәннәр академиясенең перспективалы икътисадый тикшеренүләр үзәге укытучылары үткәрәчәк. Яшь географлар литосфера үсеше тарихын өйрәнәчәкләр, минералларны, тау токымнарын һәм ташка әйләнүне өйрәнәчәкләр, туфрак катламының төрлелеге белән танышачаклар, җирлекне ориентлаштырачаклар һәм төшерәчәкләр, шулай ук Рус географик җәмгыятенең региональ бүлеге эшчәнлеге белән танышачаклар.
Сменаның мәдәни һәм ял итү программасы үз эченә «Химик фокуслар кичәсе», «Химик һәм географик квестлар», «Көйне таны», «Иҗади җыр кичәсе», «Флешмоб», «Армия командировкасы», «Вокруг света», «Покмод», «Мисс һәм Мистер Дуслык», «Иҗади концерт», «Шигъри кичә», «Интуиция», шахмат, футбол, волейбол турнирларын ала, программаның актуаль бурычларын үтәп – шәхси, төркем һәм коллектив эшчәнлек аша лидерлык, оештыру сәләтләрен һәм компетенцияләрен үстерә.
Сменада катнашучыларга “Алан” мәктәбендә 18 көн буе тату һәм нәтиҗәле яшәүләрен телибез!