Россия Федерациясе мәгариф министры Сергей Кравцовның 2021 елгы чыгарылыш сыйныф укучыларына котлавы
Бүген тормышыгызда мөһим көн, бер зур этап тәмамланып икенче этап башланган вакыт. Сез мәктәпне тәмамлыйсыз, анда укыган вакытта күп белем алдыгыз һәм файдалы күнекмәләр үзләштердегез, үз сәләтләрегезне үстердегез һәм төрле һөнәрләр турында белдегез, яшьтәшләрегез һәм өлкәннәр белән мөнәсәбәтләр төзергә өйрәндегез.
Бу – дөньяны өйрәнү, юл сайлау, хаталар турында уйлану һәм үз принципларыңны формалаштыру, әхлакый кыйммәтләргә якынаю, үзең өчен тигезләнергә тиешле кешеләрнең үрнәкләрен билгеләү чоры булды. Мәктәп елларын сез игътибарлы укытучылар һәм ата-аналар белән берлектә үттегез, алар сезнең тулы кыйммәтле үсеш һәм бәхетле тормыш өчен мөмкин булганның барын да эшләделәр.
Сезгә мәктәп елларын якты, файдалы, зур эшләр һәм уңышларга рухландыручы итеп истә калдыруыгызны телим.
Хәзер сезнең өчен алган белемнәрегезне тормышка ашыру, лаеклы тормыш өчен җитди максатлар кую вакыты җитә.
Ышанам ки, сез чын эшләргә, көчле фикердәшләр белән хезмәттәшлеккә, нәтиҗәле укуга, үзегез һәм Россия өчен тотрыклы киләчәк булдыруга әзер. Үзегездә педагоглар һәм остазлар салган иң яхшы нәрсәләрне саклагыз, хәзерге дөньяда уңышлы булырга ярдәм итә торган сыйфатларны үстерегез, кыенлыклар алдында чигенмәгез, кыю һәм үҗәтләнеп үз максатларыгызга барыгыз, хезмәт сөючән, амбициоз булыгыз, үз-үзегезгә ышаныгыз. Барысы да чынга ашар дип чын күңелемнән өметләнәм!
Мәгариф министры Сергей Кравцов