Бүген Путин чыгарылыш сыйныф укучыларына мөрәҗәгать белән чыгыш ясаячак

2021 елның 25 июне, җомга

Россия Президенты Владимир Путин Бөтенроссия чыгарылыш кичәсе бәйрәмендә мөрәҗәгать белән чыгыш ясаячак, дип хәбәр итте журналистларга дәүләт башлыгы матбугат секретаре Дмитрий Песков.

"Президент һәрвакыт чыгарылыш сыйныф укучыларына мөрәҗәгать итә, ул абу юлы да аларга мөрәҗәгать белән чыгачак", - диде ул.

Быел мәгариф министрлыгы Россия мәктәп укучылары өчен чыгарылыш кичәсен 25 июньдә онлайн-форматта уздыра.