Көектә төзелеп килүче мәктәпкә 1-8 сыйныфларга укучылар җыю турында игълан ителде
Татарстанның Питрәч районында Көек авылында төзелә торган лицейның 1-8 сыйныфларына балаларны җыю турында игълан ителде. Мәгариф учреждениесе 1224 урынга исәпләнгән.
Документлар җирле "Алтын балык" балалар бакчасында кабул ителәчәк.
"Светлый" һәм "Яңа Көек" торак комплексларында яшәүче гаиләләр өчен баланың документларны 3 июльдә алып килергә кирәк. Көек авылында һәм “Яшьлек” торак комплексында яшәүчеләргә 4 июльдә мөрәҗәгать итәргә кирәк, Богородский һәм Яңа Салмачи авылларында яшәүчеләрне 10 июльдә көтәләр. Башка адреслар буенча яшәүчеләр – 11 июль көнне документлар тапшыра алачак. Әлеге көннәрдә кабул итү вакыты - 9.00 сәгатьтән 16.00 сәгатькә кадәр», - дип билгеләп үтте чыганак.
Алга таба укучыларның документларын кабул итү һәр сишәмбе көнне 9.00 сәгатьтән 12.00 сәгатькә кадәр Көек авылында Үзәк урамы, 1а адресы буенча узачак. Документлар биргән көнне бары тик бер генә ата-ана (законлы вәкил) индивидуаль яклау чаралары белән һәм ОРВИ билгеләре булмаганда гына рөхсәт ителә.
Беренче сыйныфка керүчеләр өчен ата-ананың (законлы вәкиленең) паспортын (күчермәсенең төп нөсхәсен); бала туу турында таныклык (күчермәнең төп нөсхәсе); 2-8 сыйныфлар өчен – укучының шәхси эше; элеккеге уку урыныннан характеристика; медицина картасын; белем алу турындагы картасын бирергә кирәк. Уллыкка алуны, опеканы яисә попечительлекне (кирәк булганда) раслый торган документ; психологик-медицина-педагогик комиссия (булган очракта), баланың СНИЛСы һәм медицина полисы бәяләмәсенең күчермәсе өстәмә кирәк булачак.
"Лицей техник юнәлешле булачак һәм "Алгоритм" исемен йөртәчәк, нәкъ менә күпчелек питрәчлеләр шундый исем өчен тавыш бирде", - дип уртаклашты агентлык әңгәмәдәше.
Көектә шулай ук балаларны яңа мәктәпкә китерү өчен маршрут булдыру планлаштырыла. Мәгариф учреждениесе «Демография» илкүләм проекты ярдәмендә төзелә.
Илкүләм проектлар Россиядә 2019 елдан башлап РФ Президенты Владимир Путин указы нигезендә гамәлгә ашырыла.