Татарстанда биш ел эчендә Россиянең башка төбәкләреннән килгән абитуриентлар саны 20%ка арткан
Соңгы биш елда Татарстан вузларына укырга керергә теләүче Россиянең башка төбәкләреннән абитуриентлар саны 20 %ка артты. Бу хакта “Татар-информ” мәгълүмат агентлыгына ТР мәгариф һәм фән министрлыгының югары белем бирү бүлеге башлыгы Линар Яруллин хәбәр итте.
“БДИның төп чоры тәмамланмаган әле, ул 2 июльгә кадәр дәвам итәчәк. Әмма инде хәзер үк имтиханнар нәтиҗәләрен белгән чыгарылыш укучылары актив рәвештә вузларга документлар бирә, өстәвенә, онлайн да. Мин кичә КФУга, КХТИга, КАИга шалтыраттым, миңа абитуриентлар инде гариза бирә, дип хәбәр иттеләр. Моннан тыш, документлар шулай ук Россиянең башка төбәкләреннән дә онлайн формада актив килә ", - дип сөйләде мәгълүмат агентлыгы әңгәмәдәше.
Линар Яруллина фикеренчә, БДИның төп чоры тәмамлангач, 2 июльдә вузларга абитуриентлардан керү өчен гаризалар саны арта. "Югары уку йортларына документлар кабул итү 29 июльгә кадәр дәвам итәчәк, кайбер чыгарылыш сыйныф укучылары әле кая керергә дип уйлыйлар. Әле барысы да аттестатлар даалмаган, аларны узган атнада гына бирә башлаганнар ", - дип билгеләде ул.
Мәгариф һәм фән министрлыгы югары белем бирү бүлеге җитәкчесе укырга керергә теләүченең берьюлы биш вузга кабул итү турында гариза бирү хокукын саклап калынуын искәртте. Шул ук вакытта вузга әзерлекнең 10 юнәлешенә кадәр абитуриенттан документларны кабул итү хокукы бирелә. Элек абитуриент документларны өч белгечлеккә генә бирә алган.
"Әмма югары уку йортлары бу санны үзләре билгеләргә хокуклы. Мин кабул итү комиссияләренә шалтыраттым. Кайбер югары уку йортлары биш юнәлешкә планка урнаштырырга карар кылды, әмма 10ны калдыручы оешмалар да бар. Әлегә әзерлекнең аеруча популяр юнәлешләре турында сөйләргә иртәрәк, әмма узган ел буенча фикер йөртсәк, иң күп документлар информатика, педагогика, шулай ук техник һөнәрләргә бәйле белгечлекләргә бирелде, - дип ассызыклады Линар Яруллин. Югары уку йортларында кабул итү кампаниясе 20 июньдә башланып китте һәм көндезге бюджет формасына 17 августка кадәр барачак.
Быел югары уку йортларына документлар бирү механизмы киңәйтелгән. Хәзер моны оешманың үзенең электрон мәгълүмат системасы ярдәмендә яки дәүләт һәм муниципаль хезмәтләрнең бердәм порталында "онлайн вузга керү" суперсервисы ярдәмендә эшләргә мөмкин. Документларны традицион рәвештә кабул итү шулай ук үз көчендә кала.
Конкурс исемлеге исемсез булачак, ягъни килүчеләрнең фамилиясе, исеме, атасының исеме күрсәтелмәячәк. Моның урынына – СНИЛС номеры, ә ул булмаганда – керүченең уникаль коды. Кабул итүнең төп этабының икенче дулкыны юкка чыгарылган. Әгәр дә элек беренче этапта бюджет урыннарының 80% ы тулса, ә икенче этапта калган 20% ы, хәзер кабул итүнең төп дулкыны бер генә булачак.
Беренче булып вузлар олимпиадада катнашучыларны, ташламалары булган абитуриентларны һәм максатчан юнәлештә укырга теләүчеләрне кабул итәчәк. Аннары абитуриентлар конкурс исемлегенең төп бюджет урыннарына кабул ителә. Конкурс исемлекләре хәзер көн саен көненә биш тапкыр яңартылачак. Бу абитуриентларга рейтингта үз позицияләре турында актуаль мәгълүмат алырга мөмкинлек бирәчәк. Элек мондый яңартуны көнгә бер генә тапкыр үткәрделәр. 2021-2022 уку елына Татарстан югары уку йортлары 20 меңнән артык бюджет урыны бүлеп биргән. Бу узган ел белән чагыштырганда 20 процентка диярлек күбрәк.