Тукай районы мәгариф бүлеген мәктәп директоры җитәкләде
Тукай районы мәгариф бүлеген моңа кадәр Биклән авыл җирлеге мәктәбе директоры вазыйфасын башкарган 39 яшьлек Айрат Ибраһимов җитәкләде.
Бүген районның 53 мәгариф учреждениесендә 5442 кеше укый. Мәгариф системасында педагогик кадрлар җитмәү күзәтелә, аларның шактый өлеше яшь кадрлар саныннан. Районда яшь белгечләрне җәлеп итү максатыннан эш алып барыла, шул исәптән “Җир укытучысы” федераль программасы һәм педагогларны максатчан укыту хисабына. Кадрлар мәсьәләсе башкарма комитетның махсус контролендә тора.
Аерым предметлар буенча олимпиадаларда җиңүчеләр һәм призерлар саны буенча да район күрсәткечләре бик үк әйбәт түгел. Мәгариф бүлеге алдына лагерьларда профильле сменалар үткәрү, ике мәктәптә химия-биология, физика-математика һәм социаль-икътисадый сыйныфлар ачу бурычы куелган.
Тукай районында шулай ук балалар бакчаларында урын җитмәү дә бар: чират 500гә якын бала, мәктәпкәчә белем алу дәрәҗәсе 85% тәшкил итә.
Бу проблематика хәзер яңа җитәкче җилкәсенә ята, дип ассызыкладылар башкарма комитетта.