15 июльдән Россиядә студентлар туризмы программасы башлана
Россиядә студентлар туризмы программасы 15 июльдән 25 августка кадәр дәвам итәчәк, проект кысаларында укучылар төбәкләр буенча сәяхәт итә һәм университет кампусларында һәм тулай торакларда яши алачак. Бу хакта вице-премьер Дмитрий Чернышенко сөйләде, дип хәбәр итә Хөкүмәт матбугат хезмәте.
"Урнаштыру шартларына карап яшәү бәясе тәүлегенә 35 сумнан алып 100 сумга кадәр тәшкил итәчәк, максималь бәя - тәүлегенә 400 сум. Әгәр дә пакетка туклану кертелгән булса (иртәнге аш, яки кичке аш белән иртәнге аш), килү бәясе тәүлегенә 250 сумнан 550 сумга кадәр үзгәрә ", - диелә хәбәрдә.
Дәүләт Думасында студентлар туризмын үстерү турындагы идеяне хупладылар
Студентларга сайлап алу мөмкинлеге белән 150 экскурсия һәм төрле мәдәни-танып белү туристик программалары каралган. Алар ике, өч, биш һәм җиде көнлек турлар.
Чернышенко сүзләренчә, проектта Россиянең 15 университеты катнаша.