КДЭУ ректоры Эдвард Абдуллаҗанов: «Без талантлы һәм көчле укучыларны җыярга планлаштырабыз»
Казан дәүләт энергетика университеты дәүләт аккредитациясен уңышлы үтте. Федераль мәгариф һәм фән өлкәсендә күзәтчелек хезмәтенең (Рособрнадзор) 2021 елның 16 июлендәге 991 номерлы тиешле боерыгы ведомствоның рәсми сайтында бастырылган.
КДЭУның барлык белем бирү программалары 45 юнәлеш буенча (бакалавриат - 21 юнәлеш, магистратура - 13, аспирантура - 11) тиешле федераль белем бирү стандартлары дип танылды.
"Безнең югары уку йортының белем бирү эшчәнлегенә уңышлы аккредитация узу - ул формальлек кенә түгел. Бу безнең эшебезгә югары бәя. Казан дәүләт энергетика университеты студентлары, магистрлары һәм аспирантларының иң югары таләпләргә һәм стандартларга җавап бирә торган сыйфатлы югары белем алуын рәсми исбатлау", - дип билгеләде КДЭУ ректоры Эдвард Абдуллаҗанов.
Хәзерге вакытта КДЭУда кабул итү кампаниясе дәвам итә. 2021 елда вузга барлык әзерлек дәрәҗәләре буенча 1450 дән артык бюджет урыны бүлеп бирелгән.