“Сәләт” форумының йомгаклау сменасы экологиягә багышланган

2021 елның 29 июле, пәнҗешәмбе

29 июльдән 2 августка кадәр Биләр тарих-археология музей-тыюлыгы территориясендә X «Сәләт» Халыкара яшьләр белем бирү форумы LEADERS BILER FORUM алтынчы, йомгаклау сменасы була. Ул Россия мәктәп укучылары хәрәкәте белән берлектә оештырылачак.

Сменада 1200 активист-бала катнашачак. Программа кысаларында укучыларны төрле иҗтимагый оешмалар вәкилләреннән, төрле эшчәнлек өлкәләреннән - актерлардан алып SMM-белгечләргә кадәр белем бирү мастер-класслары көтә. 

Россия мәктәп укучылары хәрәкәте проектлары вәкилләре балалар арасында кызыклы һәм мавыктыргыч программалар популярлаштыра, алар активистларга һөнәри юнәлеш бирүдә һәм тормыш максатларын куюда ярдәм итәргә тиеш.