"Мәктәп-2025" Дирекциясе хезмәткәрләре милли проектлар кысаларында төзелгән Казан мәктәпләрендә һәм балалар бакчаларында булдылар
"Мәктәп-2025" Дирекциясе хезмәткәрләре Казанда "Мәгариф" һәм "Демография" илкүләм проектлары кысаларында гамәлгә ашырыла торган объектларда булдылар. Аларның Татарстанга эш сәфәре булды, анда педагоглар ТР Мәгариф һәм фән министрлыгы вәкилләре белән очрашты.
Белгечләр "Мәгариф" милли проекты кысаларында иң популяр проект чишелеше буларак 1224 урынга төзелгән өч мәктәптә булдылар.
Бу 186 нчы "Перспектива" һәм 187 нче "Ритм" күппрофильле лицее. Ике мәктәп тә Идел буе һәм Совет районнарының яңа торак комплексларында төзелгән. Шулай ук Бондаренко урамындагы «Адымнар» полилингваль белем бирү комплексы да булды.
«1224 укучыга урта гомуми белем бирү мәктәбенең» проект карары бөтен Россия буенча тиражлана. Әлеге проект буенча мәктәпләр Дагыстан, Кабарда-Балкар, Чечня, Тверь, Воронеж, Вологда өлкәләрендә һәм Россиянең башка төбәкләрендә төзелгән. Һәр мәктәптә 2 сәгатькә бассейн һәм 2 спорт залы бар (зур һәм кече).
Кунаклар “Демография” милли проекты кысаларында төзелгән биш балалар бакчасында да булдылар.