Татарстанның иҗат укучылары өчен «Без бергә» профильле сменасы ачыла

2021 елның 2 августы, дүшәмбе

12 августтан 29 августка кадәр «Костер» сәламәтләндерү центры базасында Татарстан Республикасы Мәгариф һәм фән министрлыгының «Без бергә» профильле сменасы башлана.

Сменада Татарстан муниципаль районнарыннан 7 яшьтән 17 яшькә кадәрге 100 дән артык бала - өстәмә белем бирүнең өстенлекле юнәлешләре: иҗади, спорт-туристлык, патриотик, социаль-педагогик юнәлешләр буенча җиңүчеләр һәм лауреатлар катнаша.

Смена дәвамында сәнгать иҗаты, сәламәт яшәү рәвеше, социаль иҗат чаралары уза.