ЯҢАЛЫКЛАР

2014 нче елның 21- 23 февралендә Әлмәт шәһәрендә ТРсы Мәгариф һәм фән Министрлыгы һәм Республикакүләм мәктәптән тыш эшләр үзәге тарафыннан кечкенәләр өчен Республикакүләм шәхси беренчелек һәм командалар арасында судомоделизм ярышлары үткәрелде. Ярышта барлыгы 4 өстәмә белем бирү узәгеннән 36 укучы катнашты. Ярыш нәтиҗәләре буенча беренчелекне Әлмәт районы Яшь техниклар үзәге тәрбияләнүчеләре, 2 урынга Балык Бистәсе командасы, 3 нче урынга Казан шәһәре В.П.Чкалов исемендәге балалар техник үзәге тәбияләнүчеләре лаек булды. Шәхси беренчелек өчен барлык җиңүчеләр дә ТРсы Мәгариф һәм фән Министрлыгы һәм Республикакүләм мәктәптән тыш эшләр үзәге дипломнары һәм медальләр белән бүләкләнделәр. Җиңүчеләрне котлыйбыз!!!

Татар теле һәм әдәбияты буенча II Халыкара олимпиаданың икенче турында катнашучылар исемлеге 27 февральдә билгеле булачак. Бу хакта олимпиаданың оештыру комитеты хәбәр итә. Олимпиаданың Казанда уздырыла торган өлешендә (икенче тур) катнашучыларны билгеләү өчен, укучылар һәм студентларга 5 һәм 17 февральдә өстәмә биремнәр җибәрелгән иде.

Россия Мәгариф һәм фән министрлыгы Бердәм дәүләт имтиханы вакытында күчерүчеләр белән көрәштә яңа ысул уйлап тапкан. Быел Россиянең һәр төбәге өчен бер-берсенә охшамаган, аерым БДИ текстлары төзеләчәк.

21нче февраль – Халыкара Туган тел көне буларак билгеләп үтелә. Телләрне саклау һәм үстерү максатыннан уздырыла торган бу бәйрәм елдан – ел үзенең даирәсен киңәйтә бара, мәктәпләрдә әлеге уңайдан төрле чаралар уздырыла.

2014 нче елның 1-7 нче мартына кадәр «Байтик» компьютер лагере базасында ( Крутушка поселогы) укучылар өчен « Flash-уен эшкәртмәсе» буенча профиль смена Казан шәһәренең IT-парк үзәге «IT-Jump» республика проекты белән берлектә үткәрәчәк.

19 нчы мартта Татарстан студентлары конгрессында 1 мең делегат ТР Студентлар лигасына президент сайлаячак. Бу хакта бүген ТР Студентлар Лигасы президентын сайлауга багышланган матбугат конференциясендә хәбәр ителде.