ЯҢАЛЫКЛАР

Чүпрәле тармак технологияләре техникумында оештырылган яшьләр мәгълүмати-инновацион технологияләр үзәгенә йөрүче балалар үзләре дә шакката, кешене дә шаккатыра белә. Алар 3D принтер, сканер, лазер һәм башка төрле заманча техника ярдәмендә нинди генә әйберләр иҗат итми.

2013-2014 уку елында IX сыйныф укучыларының барысы өчен дә дәүләт йомгаклау аттестациясе кысаларында татар теленнән бердәм республика тесты үткәреләчәк. Бу хакта ТР Премьер-министры урынбсары – Мәгариф һәм фән министры Энгель Фәттахов 2013 ел йомгакларына багышланган еллык коллегиядә хәбәр иткән иде. Бу нисбәттән ул боерык та имзалады.

“21 нче гасыр балалары безнең кебек түгел”, - бүген Казанның аерым фәннәрне тирәнтен өйрәтүле 177 нче урта мәктәбендә узган конференция вакытында Россия Мәгариф академиясе әгъза-мөхбире, педагогика фәннәре докторы Александр Кондаков шулай дип белдерде. “Татарстанның перспективасы: тормыш дәрәҗәсенең яңасына” дигән темага докладында ул белем бирү системасына һәм 21 нче гасыр укучыларының холкына кагылышлы кайбер мәсьәләләрне күтәрде.

Ял көннәрендә узачак татар теле дәресләре укучыларның яшенә карап 3 төркемгә бүлеп, түләүсез рәвештә укытылачак. Мәктәптә татар телен укырга-язарга өйрәтүдән тыш, татар халык мәдәнияте, җыр-биюләре, йолалары белән дә таныштырып узачаклар.

Бүген Казанның аерым фәннәрне тирәнтен өйрәтүле 177 нче урта мәктәбендә узган конференция вакытында ТР Премьер-министры урынбасары – Мәгариф һәм фән министры Энгель Фәттахов әнә шулай дип белдерде. Чарада Россия Мәгариф академиясе әгъза-мөхбире, педагогика фәннәре докторы Александр Кондаков, Казан шәһәре Башкарма Комитеты мәгариф идарәсе башлыгы Илсур Һадиуллин катнашты.

Татарстан Республикасы мәгариф һәм фән министрлыгының еллык планы нигезендә күренекле татар мәгърифәтчесе, педагог Ризаэддин Фәхреддиннең иҗади мирасын өйрәнү, яшь буынга рухи – әхлакый тәрбия бирүдә галимнең хезмәтләрен пропагандалау максатында, 2014 нче елның 25 нче февралендә Алабуга шәһәренең 1 нче гимназиясендә «Яшь буынга белем һәм рухи-әхлакый тәрбия бирүдә Ризаэддин Фәхреддин мирасыннан файдалану» темасына XI республика педагогик укулары үткәрелде.

Татарстанның мәгариф һәм фән министрлыгы Бердәм дәүләт имтиханнарына бәйле булган сорауларга җавап бирү өчен махсус телефон номеры булдырды.

Республика укучылары энергетика темасын тагын да яхшырак белә башлаячак. Былтыр мәктәпләрдә бу юнәлеш буенча 9 техник түгәрәк эшли башлады. Татарстан Мәгариф һәм фән министрлыгы моның өчен 9 миллион сум акча биргән. ”Startup energy” проектын гамәлгә ашыруда Казан дәүләт энергетика университеты ярдәм итә.

Бүген ТР Министрлар Кабинетында үткән брифингта ТР мәгариф һәм фән министры урынбасары, министрлыкның күзәтчелек һәм контроль идарәсе башлыгы Равил Хәмитов БДИ һәм Дәүләт йомгаклау аттестациясендәге кайбер үзгәрешләр турында сөйләде.

Белем бирү учреждениеләренең Казан оешмалары һәм предприятиеләре белән социаль хезмәттәшлеге кысаларында төрле эшләр эшләнә. Шуларның берсе – эшче һәм инженерлык һөнәрләрен популярлаштыру, яшь белгечләрне шунда төпләндереп калдыру максаты белән, укучыларны алдынгы предприятиеләр һәм оешмаларга алып баруны оештыру. Бүген шәһәр җитәкчелегенең “эшлекле дүшәмбе”сендә Казан каласы Башкарма комитеты җитәкчесенең социаль мәсьәләләр буенча урынбасары Ләйлә Фазлыева әнә шулай дип белдерде.