ЯҢАЛЫКЛАР

Кайбыч районында мәктәптән тыш эшләр үзәгендә елның иң яхшы сыйныф җитәкчесен ачыкладылар.

“Ел укытучысы” бәйгесе кысаларында узган бу чараның максаты – мәгариф системасында тәрбия эшен камилләштерү һәм педагогик тәрбия бирү мәйданын киңәйтү. Анда Олы Кайбыч, Олы Урсак, Хуҗа Хәсән, Федоровское, Иске Тәрбит, Олы Подберезье, Кече Мәме, Мөрәле, Колаңгы, Иске Чәчкаб, Ульянково, Борындык мәктәпләреннән 5-⁠11 сыйныфларның җитәкчеләре катнашты. 

9нчы февраль көнне, Татарстан Республикасы Премьер-министры урынбасары-мәгариф һәм фән министры Энгель Фәттахов муниципаль берәмлек мәгариф идарәсе органнары җитәкчеләре белән киңәшмә уздырды. Исегезгә төшерәбез, мәгариф идарәсе органнары җитәкчеләре белән киңәшмә гадәттә һәр пәнҗешәмбе видеоконференцэлемтә ярдәмендә үткәрелә. “Бүген без сезне Казанга очраклы рәвештә чакырмадык. Сезнең шәхсән монда булуыгызны таләп итә торган сораулар җыелды”,- дип башлады үз чыгышын министр.

2017 нче елның 9 нчы февралендәТатарстан Республикасы мәгариф һәм фән министрлыгы Казан шәһәренең татар  башлангыч мәктәп, татар теле һәм әдәбияты укытучылары өчен Яңа Савин районының 179 нчы номерлы аерым предметларны тирәнтен өйрәнү мәктәбендә семинар уздырды. Семинарда Татарстан Республикасы мәгариф һәм фән министры урынбасары Илдар Мөхәммәтов, милли мәгариф идарәсе башлыгы Гөлназ Исмәгыйлева, Казан шәһәре мәгариф идарәсенең милли мәгариф буенча баш белгеч Рәйханә Богавеева, Татарстан Республикасы Мәгарифне үстерү институтының татар теле һәм әдәбияты кафедрасы мөдире Рәсимә Шәмсетдинова, башлангыч мәктәп кафедрасы доценты Зәлфирә Җамалетдинова, “Сәлам” укыту-методик комплекты авторлары катнашты.

    9 февраль көнне  Г.Тукай исемендәге Ашытбаш урта мәктәбенә   чираттагы эшлекле очрашуга Барда гимназиясе директоры Нурия Исмәгыйлева җитәкчелегендә  делегация килде.

Бүген, 2017нче елның 9нчы февралендә, Татарстан Республикасы Халыклар дуслыгы йортында  татар теле һзм әдәбияты буенча Төбәкара олимпиада җиңүчеләрен бүләкләү тантанасы узды. Җиңүчеләрне Татарстан Республикасы Премьер-министры урынбасары-мәгариф һәм фән министры Энгель Фәттахов тәбрикләде.

Хөрмәтле галимнәр, фән хезмәткәрләре, мөгаллимнәр, аспирантлар!

Сезне чын күңелдән һөнәри бәйрәмегез – Россия фәне көне белән тәбрик итәм.

Бүгенге көндә Татарстан Республикасы Россиянең фәнни-техник һәм инновацион алгарышы барышында әйдәп баручылар рәтендә тора.

Мәгариф һәм фән өлкәсендә күзәтчелек итүнең федераль хезмәте карары буенча 7 февральдә бөтен ил буйлап теләкләре булган әти-әниләр Бердәм дәүләт имтиханы тапшырып карый. Россиянең Мәгариф һәм фән өлкәсендә күзәтчелек итүнең федераль хезмәте җитәкчесе Сергей Кравцов та имтихан тапшырды.

Туган төбәкнең тарихын өйрәнүгә кызыксыну тудыру, татар халкы һәм Татарстан тарихын тикшерү эшенә сәләтле яшьләрне тарту, аеруча сәләтле балаларны ачыклау максатыннан Татарстан тарихы һәм татар халкы буенча республикакүләм олимпиада үткәрелде.

 Казанның 90 нчы гимназиясендә Татарстан Дәүләт Советы Рәисе Фәрит Мөхәммәтшин катнашында парламент дәресе узды. Чарада шулай ук Татарстан Премьер-министры урынбасары - мәгариф һәм фән министры Энгель Фәттахов та катнашты. Алар иң элек гимназия янындагы спорт мәйданчыгы һәм анда сәламәтлекләрен ныгытучы балалар белән танышты. Шуннан соң гимназиянең актлар залында парламент дәресе башланып китте. Бирегә 5 сыйныфтан алып, чыгарылыш сыйныфларына кадәр чакырылган. Дәреснең темасы - "Татарстан-2030: республиканың киләчәгенә минем өлешем"дип атала.