ЯҢАЛЫКЛАР
Казанның 4 мәктәбендә кытай телен өйрәнү проекты эшли башлады. Бу хакта бүген Казан мэриясендә брифингта шәһәр Башкарма комитеты мәгариф идарәсе башлыгы Илсур Һадиуллин белдерде. "Балалар, ата-аналар һәм җәмәгатьчелек бу предмет белән кызыксына. Әлеге мәктәпләр мисалында нинди нәтиҗәләргә ирешүебезне карыйбыз һәм алга таба барачакбыз", - диде ул.
Яңа уку елыннан икенче чит ил теле беренче мәртәбә мәктәп программасының мәҗбүри фәннәре рәтенә кертелгән. “1 сентябрьдән 5нче сыйныфлар яңа стандарт буенча укуга күчә. Анда икенче чит ил теле мәктәп программасының мәҗбүри элементы буларак теркәлгән”, – дип белдергән РФ мәгариф һәм фән министры Дмитрий Ливанов “Российская газета”га биргән интервьюсында. Министр искәртеп узганча, мәктәпләргә күчеш чоры каралган, чөнки әлегә барлык төбәкләр дә бу төр үзгәрешләргә әзер түгел.
Яр Чаллыда I курс студентлары өчен Белем көне беренче тапкыр яңа форматта уздырылачак. Аерым алганда, шәһәрдә 1 сентябрь көнне Сара Садыйкова исемендәге концертлар залында югары белем бирү йортларының I курс студентлары өчен Белем көне шәһәр бәйрәме рәвешендә үткәрелә.