Арчада «Татар кызы - 2021» республика конкурсы узачак

2021 елның 23 ноябре, сишәмбе

Татарстанның һөнәри белем бирү оешмалары укучылары арасында “Татар кызы” республика конкурсы 24 ноябрьдә Габдулла Тукай исемендәге Арча педагогика көллияте базасында уздырыла.

Конкурс татар кызының эчке дөньясы байлыгын һәм иң яхшы сыйфатларын ачу, татар милләтенең телен, мәдәниятен, үзенчәлеген тарату һәм арттыру максатында уздырыла.

Конкурсның читтән торып уздырылган этабына Татарстанның 32 һөнәри белем бирү оешмасыннан заявкалар керде, шуларның 11 е конкурсның чираттагы этабына сайлап алынды.