Татарстанда куркынычлыкның дүртенче категорияле мәктәпләрен саклауны финанслау мәсьәләсе хәл ителә
Татарстанда дүртенче категорияле куркыныч булган мәктәпләрне саклауны оештыру өчен финанслау мәсьәләсе хәл ителә. Бу хакта ТР Мәгариф һәм фән министры Илсур Һадиуллин йомгаклау матбугат конференциясендә хәбәр итте.
"Быел республикада беренче һәм икенче куркынычлык категорияләрендәге мәктәпләрне саклауга 113 млн сум бүлеп бирелгән. Киләсе елда өченче категорияле мәктәпләр өстәләчәк. Әмма бездә әле дүртенче категорияле мәктәпләр бар. Алар да саксыз калмаячак. Хәзер финанслау чыганагы билгеләнә", - диде мәгариф һәм фән министры.
Һадиуллин киләсе елдан якынча 1,2 млрд.сум беренче, икенче һәм өченче куркыныч категорияле мәктәпләрне саклауны тәэмин итүгә юнәлдереләчәк, дип искәртте.
"Мәсьәлә республика дәрәҗәсендә хәл ителде. Бездә 280 беренче һәм икенче категорияле мәктәп бар. Беренче категорияле мәктәпләр ике сак постына ия, калганнары — берәр. Хәзер инде игътибар таләп итә торган мәсьәлә килеп баса. Мондый проблема бар. Әмма бу мәсьәлә белән шөгыльләнүче органнар бар. Иң мөһиме, финанс мәсьәләсе хәл ителгән", - дип ассызыклады ул.
Министр сүзләренә караганда, республиканың барлык мәктәпләрендә дә сакчылык бар иде, әмма хәзер ул шәхси сакчылык предприятиеләре хезмәткәрләре белән тәэмин ителәчәк. "Төнге һәм көндезге сакчылык бар. Төнге сәгать җидедән иртәнге җидегә кадәр эшли. Мәктәп каравылчыга ставка бирелә, һәр мәктәптә вахтерлар һәрвакыт бар иде. Хәзер бездә төнге сак шул ук күләмдә кала, ә көндезге сак предприятиеләре хезмәткәрләре тарафыннан көчәйтелгән. Киләсе елда алар сәгатенә 130-150 сум исәбеннән эшләячәк", - дип төгәлләштерде ул.