Соңгы ике елда Россиядә сыйфатлы белем алу мөмкинлеге сизелерлек артты
2020-2021 елларда мәгариф министрлыгы мәктәпләрне төзү программасын яңа дәрәҗәгә чыгарды. «Мәгариф» илкүләм проекты кысаларында 115 мең урынга исәпләнгән 181 мәктәп һәм 110 мең урынга исәпләнгән 734 балалар бакчасы ачылган. 2024 ел ахырына кадәр барлыгы 1300 яңа заманча мәктәп барлыкка киләчәк.
Агымдагы елның гыйнварында мәктәпләрне капиталь ремонтлау буенча федераль программа старт алды. 2022 елда ук ул 1300дән артык мәктәп бинасын колачлаячак, ә 2023 ел ахырына өч мең мәктәп бинасы ремонтланачак.
Урта һөнәри белем бирү өлкәсендә «Профессионалитет» масштаблы проекты эшләнде, аның буенча 2022 елның 1 сентябреннән пилот мәйданчыклары базасында укулар башланачак. 2024 елга программа 350 меңнән артык студентны колачлаячак. Соңгы ике ел эчендә ил көллиятләрендә 2000нән артык заманча остаханәләр барлыкка килде, һәм бүген үк алдан һөнәри әзерлек буенча 44 үзәк эшли.
Илдә балаларның җәйге яллары белән тәэмин итү дәрәҗәсе артты, һәм 2020-2021 елларда лагерьларда 5,5 миллионнан артык бала ял итте. Бу туристик кешбэк программасы – путевка бәясенең яртысын кире кайтару аркасында мөмкин булды.
Балаларны һәм яшьләрне рухи һәм әхлакый кыйммәтләргә җәлеп итүгә, волонтерлык эшчәнлегенә җәлеп итүгә, шулай ук һөнәри юнәлеш бирү мәсьәләләренә аерым игътибар бирелә. Мәктәпләрдә тәрбия эшләре буенча советник вазифалары барлыкка килде. Шундый 2500 советник инде мәктәпләрдә эшли. «Мәгариф» илкүләм проектының «Россия Федерациясе гражданнарына патриотик тәрбия бирү» федераль проекты эшләнде, ул закон дәрәҗәсендә бөтен ил буенча укучыларны тәрбияләүне оештыруга гомуми таләпләрне беркетә.
«Мәгариф» илкүләм проекты нигезендә заманча һәм куркынычсыз цифрлы белем бирү мохите булдыру дәвам итә: ресурсларны интеграцияләү, технологик җиһазлау һәм сыйфатлы сертификацияле белем бирү контентын эшләү. Үзәк территориаль идарә кысаларында «Сферум» мәгълүмати-коммуникацион белем бирү платформасы эшли башлады, аннан 2,5 млн укытучы, укучылар һәм ата-аналар файдалана.
«Минем мәктәп» Федераль дәүләт мәгълүмат системасы булдырылды һәм апробация уза инде, аның базасында «Белем бирү контенты китапханәсе» урнаштырылачак. Бу мондый масштабтагы беренче дәүләт верификацияләнгән системасы. Барлык мәктәпләрне дә мәгълүмат системасына тоташтыру 2023 елда булачак.
Белем бирү сыйфаты өлешендә безнең ил сизелерлек үсеш күрсәтә: Россия укучылары җыелма командалар составында халыкара олимпиадаларда 100 дән артык призлы медаль яуладылар. 2021 елда гына да алар халыкара ярышлардан 38 медаль алып кайттылар: 31 алтын һәм 7 көмеш. Гомумкоманда зачетларында Россия алдынгы 1 нче һәм 2 нче урыннарны ала алдылар. Россия шулай ук төп рейтингларда PISA, PIRLS һәм TIMSS халыкара тикшеренүләренең катнашуын көчәйтә.